የግጥም አምድ

                                                      ውዳሴ-ሕሊና

ደብተራው(ጸ.ገ.መ) በታገል መጽሄት 

ነፎ መስየ አባያ
ባዶ'ጄን ቁሜ ከገበያ
አንገበገበኝ ንዴቱ
ሲሸጥ ሲለወጥ ማየቱ
 በርካታው በጥቂቱ;
ቁማር ጨዋታ ተጫውቼ
አጨብጭቤ ቀረሁ ተረትቼ
ምነው እድሌ በሰመረ
ዘውዱን ገልብጨ በነበረ::


                          ደስ ይበላቺሁ!!
መታሰር 
በ እገረ-ሙቅ ብቻ አይደለም
                          መሄድ መራመድ መከልከል;
መታሰር
በካቴና ብቻ አይደለም
                         እጂን ማድማት እግርን ማቁሰል;
ራስን መሸጥ ለባርነት
ለባለጊዜ መንበርከክ
                            ጉልበት ላለው ማጎብደድ::
ይህም መታሰር ነው
 የወራዳወች ወህኒ
የነዚያ ትከሻቸው
እንደሚመች ለተላ
                      ጥንት ለተነገረላቸው;
ለነዚያ ነው 'ሚገባ ማዘኑ
የ እስር እስር ለታሰሩ
የሞትም ሞት ለሞቱ:
..ግን መራመድ የተሳናቺሁ
ታስሮ በሰንሰለት እግራቺሁ
እልል በሉ ፈንድቁ
                 ነጻ ነዉና ህሊናቺሁ
                  ንጹህ ነዉና ትከሻቺሁ::
እልል በሉ
ደስ ይበላቺሁ
እኛ ለናንተ ታላቅነት
እናንተ ደግሞ ላገራቺሁ
ደስ ይበላቺሁ::

አምሃ አስፋው
ሎስ አንጀለስ-ካሊፎርኒያ.


                                                                        
                 አለን ብለን ዋሸን!!

           http://archive.org/embed/AlenBelenWashenalenaNumber3

                                   
                             ሃማ ቱማ 

                         መርገምት ህልው ያግኝ!
     https://articles2u.files.wordpress.com/2015/11/ke-hywau-qal.pdf
                                                      በ ሕያው ቃል
 
"ሊመጣ ነው!" ሲሉኝ "የመቅሰፍቱ ጊዜ የመከራው ዘመን!"
"የትደርሶዋል?" ስላቸው
"ቀርቦዋል!" ብቻ እያሉኝ
"መች ይመጣል?" ስል
"ደርሶዋል!"ብቻ እያሉኝ
                                     ይሄው አርባ አመቴ በፍርሃት አለሁኝ
                                     ወይ ዘመኑ መጥቶ ደቁሶ አልደቆሰኝ
                                     ፍርሃቱ ፍርሃቱ ፍርሃቱ ገደለኝ

                                              ፈቃደ አዘዘ 1982